Մամլոյ Ասուլիս Ներկայացնելու Համար << Վատիկանեան Գաղտնի Դիւանը Կը Յատնուի>> Անուան Ցուցահանդէսը։

Երեքշաբթի 5 յուլիս 2011-ի՝ ժամը 12-ին, Վատիկանի Մամլոյ գրասենեակի ՅՊԲ.ի անուան սրահին մէջ տեղի ունեցաւ << Lux in Arcana - Վատիկանեան գաղտնի դիւանը կը յատնուի>> ցուցահանդէսին ներկայացման մամլոյ ասուլիսը։ Մամլոյ ասուլիսին ելոյթ ունեցան Վատիկանի Պետական քարտուղար Կարտինալ Թարչիզիօ Պերթոնէ, Վատիկանի մատենադարանի պատասխանատու՝ Կարտինալ Րաֆֆաէլէ ֆարինա, Վատիկանեան գաղտնի դիւանի կառավարիչ գերապայծառ Սէրճօ Բականօ, Հռոմի քաղաքապետ ճովաննի Ալէմաննօ, Հռոմի քաղաքապետարանի մշակոյթի գործակալ Տօքթ Տինօ Կասբերինի եւ Հռոմ Մայրաքաղաքի մշակոյթի վարիչ՝ Տիար Ումպէրթօ Պրօգգոլի։